Azərbaycanlı futbolçu Zamiq Əliyev Albaniya çempionu "Eqnatiya"nı başqa kluba dəyişə bilər.

Prosport.Az-ın xəbərinə görə, 2-ci dəfə Albaniya çempionu olan 25 yaşlı mərkəz müdafiəçisini Litvanın köklü klubu olan "Jalqiris" istəyir.

Qışdan bəri Zamiqi heyətinə qatmaq istəyən "Jalqiris"in qarşısında duran yeganə maneə futbolçunun daha bir il "Eqnatiya" ilə müqaviləsinin olmasıdır. Albaniya çempionu ötən il Litva 3-cüsü olmuş "Jalqiris"dən 150 min avro istəyir.

Bundan başqa, futbolçunun meneceri onun üçün İsrail və Cənubi Koreyadan da klublarla əlaqədədir.