Azərbaycan minifutbol milli komandası Slovakiyanın Bratislava şəhərində keçirilən Avropa çempionatında qızıl medal qazanmasının ardından bu gün azarkeşlərlə görüşəcək.

Prosport.Az xəbər verir ki, bu barədə Azərbaycan Minifutbol Federasiyası məlumat yayıb.

Bildirilir ki, komanda üzvləri saat 17:30-da Qənimətlər Parkının qarşısında toplaşacaq. Daha sonra onlar üçün ayrılmış xüsusi avtobusla şəhər turuna çıxaraq çempionluq sevincini azarkeşlərlə bölüşəcəklər.

Xatırladaq ki, Azərbaycan millisi turnirin finalında Ukrayna minifutbol millisini 2:0 hesabı ilə məğlub edərək Avropa çempionu olub.