“Neftçi”nin sabiq prezidenti Sadıq Sadıqov vəfat edib.

Prosport.Az xəbər verir ki, 61 yaşlı funksioner bu gün dünyasını dəyişib. Sadıqovun ölüm səbəbi hələlik bilinmir.

O, 2009-2015-ci illərdə “Neftçi” futbol klubunun prezidenti olub. Klub onun dövründə üç dəfə Azərbaycan çempionatının, iki dəfə Azərbaycan Kubokunun qalibi olub.

Sadıq Sadıqov son olaraq “Neftçi” İdman Klubunun İdarə Heyəti sədrinin müşaviri vəzifəsini icra edirdi.