UEFA-nın "Turan Tovuz"u avrokuboklardan kənarlaşdırmasından sonra Azərbaycanın Konfrans Liqasındakı təmsilçiləri ilə bağlı vəziyyət dəyişib.

Prosport.Az xəbər verir ki, qərar klubun apellyasiya şikayətinə veriləcək cavaba qədər qüvvədə qalır. Bu səbəbdən Misli Premyer Liqasında 5-ci yeri tutan "Zirə" Konfrans Liqasında "Turan Tovuz"u əvəz edəcək.

Bu dəyişiklik "Neftçi"yə də təsir edib. Belə ki, "ağ-qaralar" artıq Konfrans Liqasının ikinci təsnifat mərhələsindən mübarizəyə qoşulacaq. "Zirə" isə yarışa birinci təsnifat mərhələsindən start verəcək.

Bununla da əvvəllər "Neftçi"nin mümkün rəqibləri hesab olunan komandalar artıq "Zirə"nin potensial rəqiblərinə çevrilib. Dəyişiklik nəticəsində Gürcüstanın "Torpedo" (Kutaisi) klubu səpələnmişlər, Andorranın "Santa Koloma" komandası isə səpələnməmişlər səbətinə yüksəlib.

"Zirə"nin potensial rəqibləri bunlardır: "Torpedo" (Kutaisi, Gürcüstan), "Velej Mostar" (Bosniya və Herseqovina), "Virtus" (San Marino), "Liepaya" (Latviya), "İlves" (Finlandiya), "Konnans Kvey" (Uels), "Bohemians" (İrlandiya), "Styarnan" (İslandiya), "Qlentoran" (Şimali İrlandiya), "Avropa" (Cəbəllütariq), "İnter Turku" (Finlandiya), "Malışeva" (Kosovo), "Elimai" (Qazaxıstan), "Dinamo Siti" (Albaniya), "Strassen" (Lüksemburq), "Hegelmann" (Litva), "Penibont" (Uels), "Runavik" (Farer adaları), "Sileks" (Şimali Makedoniya), "Marsaşlokk" (Malta), "Nomme Kalyu" (Estoniya), "Elbasani" (Albaniya), "Karnarfon" (Uels), "Mondorf-le-Ben" (Lüksemburq) və "Petrovaç" (Monteneqro).

Qeyd edək ki, Konfrans Liqasının birinci təsnifat mərhələsinin püşkatma mərasimi iyunun 16-da keçiriləcək. Qarşılaşmalar isə iyulun 9 və 16-da baş tutacaq.