Qadın futbolçulardan ibarət Azərbaycan milli komandası dünya çempionatının seçmə mərhələsində növbəti oyununu keçirib.

Prosport.Az xəbər verir ki, C Liqasının 3-cü qrupunda mübarizə aparan və Siyasət Əsgərovun rəhbərlik etdiyi yığma Macarıstan qadın futbol milli komandası  ilə qarşılaşıb. Azərbaycan qadın milli komandası üçün uğursuz alınan görüş rəqibin 2:1 hesablı qələbəsi ilə başa çatıb.

Macarıstan yığmasının qollarını 12-ci dəqiqədə Çanyi və 85-ci dəqiqədə V.Nadj vurub. Azərbaycan millisinin heyətində isə fərqlənən futbolçu 74-cü dəqiqədə K. Əsədova olub.

Matç Sloveniyadan olan baş hakim Vanja Yankoviçin idarəçiliyi altında Mehdi Hüseynzadə adına Sumqayıt şəhər stadionunda keçirilib.

Qrupun digər oyununda Andorra qadın futbol milli komandası öz meydanında Şimali Makedoniya qadın futbol milli komandasını qəbul edəcək.

Bu nəticədən sonra Azərbaycan millisi 9 xalla qrupda ikinci pillədə qalıb. Macarıstan yığması isə xallarının sayını 13-ə çatdıraraq liderliyini möhkəmləndirib. Şimali Makedoniyanın 3, Andorranın isə 1 xalı var.