"Şamaxı" ilə yollarını ayıran Sezar Enrike karyerasını Azərbaycanda davam etdirə bilər.

Prosport.Az "sportinfo"ya istinadən xəbər verir ki, müdafiəçinin xidmətində Misli Premyer Liqasının iki təmsilçisi maraqlıdır. Söhbət "Zirə" və "Şəfa"dan gedir.

Hər iki klub 26 yaşlı stoperə rəsmi təklif göndərib. Lakin braziliyalı futbolçu qərar verməyə tələsmir və bütün variantları dəyərləndirmək niyyətindədir.

Sezar Enrike ötən ilin yayında "Şamaxı"nın heyətinə qoşulmuşdu. O, başa çatan mövsümdə "şirlər"in heyətində 33 oyunda meydana çıxaraq 3 qol vurub və 1 məhsuldar ötürmə ilə yadda qalıb.

Təcrübəli müdafiəçinin gələcək karyerası ilə bağlı qərarını yaxın günlərdə açıqlaması gözlənilir.