"Qarabağ"ın Bosniya və Herseqovina millisinin və Xorvatiyanın "Riyeka" klubunun qapıçısı Martin Zlomisliçi indi transfer edə bilməməsinin səbəbi məlum olub.

Prosport.Az-ın əldə etdiyi xəbərə görə, "Qarabağ" 27 yaşlı qapıçı üçün təxminən 600 min avro dəyərində transfer haqqını ödəməyə hazırdır.

Sadəcə, "Riyeka" FIFA-dan kapitanı və milli qapıçısına görə gələcək 270 min avroya görə bu keçidin yubadılmasında maraqlıdır. Bu səbəbdən klublar transferin dünya çempionatından sonra rəsmiləşməsi barədə razılığa gəlib.

Qeyd edək ki, milliyyətcə xorvat olan Martin Zlomisliç 3 oyun keçirdiyi Bosniya və Herseqovina millisində "Zankt Pauli"nin 30 yaşlı oyunçusu Nikola Vasildən sonra 2-ci qolkiperdir. Bosniya və Herseqovina millisi dünya çempionatının qrup mərhələsində meydan sahiblərindən biri olan Kanada, İsveçrə və Qətərlə qarşılaşacaq.