Xorvatiyanın "Varajdin" klubu Azərbaycan millisinin yarımmüdafiəçisi Rüfət Abdullazadə ilə yollarını ayırmağa hazırlaşır.

Prosport.Az "sportinfo"ya istinadən xəbər verir ki, Xorvatiya təmsilçisi futbolçunun transfer qiymətini 60 min avro olaraq müəyyənləşdirib və onu bu məbləğ qarşılığında satmağa razıdır.

"Sumqayıt"ın yetirməsi olan Rüfət Abdullazadə ötən ilin yayında "Səbail"dən "Varajdin"ə transfer olunmuş və klubla üçillik müqavilə imzalamışdı. Lakin yarımmüdafiəçi 2026-cı ilin əvvəlində icarə əsasında Azərbaycana qayıdaraq "Zirə"nin heyətinə qoşulub.

24 yaşlı futbolçu son beş ayda "Zirə"nin formasını geyinsə də, tez-tez yaşadığı zədələr səbəbindən özünü tam göstərə bilməyib.

Rüfət Abdullazadənin "Varajdin"dəki gələcəyi də qeyri-müəyyən görünür. Futbolçu Xorvatiyadakı ilk altı ayında əsas heyətdə möhkəmlənməkdə çətinlik çəkib. Onun komandada qalacağı təqdirdə yenidən ehtiyat oyunçular skamyasında daha çox vaxt keçirməsi ehtimal olunur.