Minifutbol üzrə milli komandamız Slovakiyanın paytaxtı Bratislavada keçirilən Avropa çempionatının 1/4 finalına vəsiqə qazanıb.

Prosport.Az xəbər verir ki, Elşad Quliyevin baş məşqçisi olduğu komanda 1/8 finalda güclü Qazaxıstan seçməsi ilə görüşüb.

Oyun millimizin 3:2 hesablı qələbəsi ilə başa çatıb. Komandamızın heyətində Rəvan Kərimov, İsa Atayev və Məhəmməd Xəlilov fərqlənib.

Komandamızın 1/4 finaldakı rəqibi Çexiya təmsilçisi olacaq. Matç bu gün saat 23:55 də başlanacaq.