"Sabah" futbolçusu Velko Simiçlə yeni müqavilə bağlayıb.

Prosport.Az xəbər verir ki, serbiyalı yarımmüdafiəçu ilə yeni müqavilənin müddəti 2 ildir.

Simiç "Sabah"la yeni sözləşməni sərbəst futbolçu kimi bağladığından, onun keçidi ilə bağlı hər hansı ödəniş edilməyib.

Velko Simiç ötən ilin avqustunda Türkiyənin "Sivasspor" klubundan icarə əsasında "Sabah"a qoşulmuşdu.

O, "bayquşlar"ın heyətində ümumilikdə 34 oyun keçirib, 12 qol vurub və 13 məhsuldar ötürmə edib.

Simiç son mövsümdə "Sabah"ın heyətində Azərbaycan çempionluğunu və ölkə kubokunu qazanıb.