"Kəpəz"in futbolçusu Rauf Hüseynli yeni mövsümə böyük ehtimalla yeni komandada başlayacaq.

Prosport.Az sportal.az-a istinadən xəbər verir ki, Gəncə klubundan ayrılacağı gözlənilən müdafiəçi “Şəfa”nın transfer siyahısındadır.

Premyer Liqaya uzun illərdən sonra geri qayıdan paytaxt təmsilçisinin 26 yaşlı müdafiəçi ilə ilkin danışıqlara başladığı və onu razı salmağa çalışdığı bildirilir.

Qeyd edək ki, Rauf Hüseynli “Qarabağ”, “Zirə”, “Şamaxı” və “Qəbələ” klublarında da oynayıb.