“Neftçi” bir müddət öncə Kiprin "Pafos" klubuna keçən futbolçusu Murad Məmmədovun xidmətinə maraq göstərir.

Prosport.Az sportinfo.az-a istinadən xəbər verir ki, "ağ-qaralar" yarımmüdafiəçini 1 illik icarəyə götürmək niyyəti ilə bağlı qarşı tərəfı məlumatlandırıb.

Paytaxt təmsilçisinin rəhbərliyi bu qənaətdədir ki, gənc futbolçunun orada oynamaq şansı azdır, o üzdən 2027- ci ilin yayınadək Azərbaycanda qalması həm səbəbkarın özünün, həm də “Pafos“un xeyrinə olar.

Kipr klubu 20 yaşlı həmyerlimizlə uzunmüddətli müqavilə imzalayacaq. O. burada hər ay 15 min dollar əməkhaqqı alacaq.

“Neftçi“ Muradı düşərgəsində saxlaya bilərdi. Tərəflər arasında bu yöndə xeyli danışıqlar gedib. Sadəcə, maliyyə şərtlərində ortaq məxrəcə gələ bilməyiblər.

Qeyd edək ki, 2024/25 mövsümündən əsas komandanın şərəfini qoruyan yarımmüdafiəçi bu müddət ərzində 41 oyun keçirib, 4 qol vurub. O, U-21 millisinin heyətində 10 matçda meydana çıxıb, 1 qola imza atıb.