"İmişli" klubu Azərbaycan futbolu tarixində bir ilkə imza atacaq.

Prosport.Az-ın xəbərinə görə, klub 22 İyul – Milli Mətbuat Günü ilə bağlı jurnalist müsabiqəsi elan edəcək.

Bunun üçün 15 min manatlıq mükafat fondu nəzərdə tutulub. 4 müxtəlif kateqoriya üzrə yazı müsabiqəsi bu günlərdə elan ediləcək. Artıq müəyyən edilmiş münsiflər heyəti həmin yazıları oxuyaraq qaliblərə qiymət verəcək. 

Həmçinin, indiyədək idman sahəsində çəkilmiş veriliş və ya videogörüntülər əsasında bloqerlik sahəsi üzrə qalib də elan ediləcək.

Bu da son deyil. İlin idman jurnalisti də "İmişli" vasitəçiliyi ilə müəyyənləşdiriləcək. Bunun üçün milli komandanın, Premyer Liqa klublarının baş məşqçiləri, kapitanları və mətbuat xidmətlərinin (AFFA-nın mətbuat xidməti də daxil olmaqla) fikri öyrəniləcək. Həmçinin, Gənclər və İdman Nazirliyinin İdman şöbəsinin müdiri Elnur Məmmədov, gənclər və idman nazirliyinin mətbuat xidmətinin rəhbəri Qabil Mehdiyev, Futbolun İnkişaf Fondunun icraçı direktoru Tural Piriyev və s. şəxslərin fikirləri idman jurnalistinin müəyyənləşdirilməsi üçün əsas olacaq.

Qeyd edək ki, 2022-ci ildə yaradılmış klub heç 5 yaşını qeyd etməmiş artıq özünməxsus üslubu ilə seçilir. Bu günlərdə klub 40 futbol veteranını Qurban Bayramı münasibəti ilə təbrik edib. İlin idman jurnalisinin seçilməsi Azərbaycan klub tarixində bir ilk kimi tarixə düşəcək. İndiyədək heç bir futbol klubumuz mövsümün jurnalistini seçmək təşəbbüsü ilə çıxış etməyib.