Azər Bağırovu baş məşqçi postunda saxlaya bilməyən "Kəpəz" axtarışlarına ara vermir. Gəncə təmsilçisi həm yerli, həm əcnəbi mütəxəssislərlə daimi təmasdadır.

Prosport.Az sportinfo.az-a istinadən xəbər verir ki, son olaraq sürpriz namizəd ortaya çıxıb. Bu mövsümün əvvəlində "Zirə"dən ayrılan Eltun Yaqublu "sarı-göylər"lə danışıqlar aparır.

5 il Rəşad Sadıqovun köməkçisi işləmiş məşqçi mütəxəssislə artıq bir neçə görüş keçirilib. O, hələlik yekun qərarını verməyib.

Ancaq ehtimal var ki, "Kəpəz" məhz onun üzərində dayansın. Çünki klubun rəhbərliyi ilə Yaqublunun ortaq dostları çoxdur və onlar da bu izdivacın baş tutması üçün əllərindən gələni əsirgəmir.

Qeyd edək ki, Azər Bağırov ötən ilin oktyabrından bu ilin mayınadək "Kəpəz"in başında dayanıb. Komandanı Premyer Liqada saxamaq tələbinin öhdəsindən gələn çalışdırıcı müqavilə müddətini uzatmaq üçün 1 şərt irəli sürüb - maaşımı artırın.

İstəyi gözlədiyi səviyyədə yerinə yetirilmədiyi üçün o, "Şamaxı"nın yolunu tutub.