"Qarabağ"ın futbolçusu Kamilo Duranın transferi qalmaqala səbəb olub.

Prosport.Az Portuqaliya mətbuatına istinadən xəbər verir ki, 24 yaşlı vingerin keçmiş klubları arasında maliyyə problemi yaranıb.

Belə ki, "Luzitaniya" tərəfi futbolçunun transferinə görə "Portimonense"nin hələ də onlara 80 min avro borclu olduğunu açıqlayıb.

Məlumata əsasən, II Liqa təmsilçisi məsələ ilə bağlı Portuqaliya Futbol Federasiyasına da müraciət edib.

Qeyd edək ki, Kamilo Duran 2023/2024 mövsümündə "Luzitaniya"nın formasını geyinib. Kolumbiyalı futbolçu 2024/2025 mövsümündə "Portimonense"də çıxış etdikdən sonra "Qarabağ"a transfer olunub.