Premyer Liqaya vəsiqə qazanan “Şəfa” transfer çalışmalarına start verib.

Prosport.Az xəbər verir ki, Elgiz Kərəmlini baş məşqçi postundan göndərən paytaxt təmsilçisi yeni baş məşqçinin (Zaur Həşimov olacağı böyük ölçüdə dəqiqdir) istəyinə uyğun heyət formalaşdırır.

“Şəfa” “çərçivə”də rəqabət yaratmaq üçün Nicat Mehbalıyevlə danışıq apararaq istəyinə çatıb.

“Sabah”la Premyer Liqanın qalibi olan 25 yaşlı qapıçı ilə aylıq 10 min, 10 aylıq 100 min manat maaş qarşılığında razılıq əldə olunub.

Maraq üçün bildirək ki, I Liqanın qalibi olan “Şəfa”nın qapısını aşağı dəstədə Əlirza Müştəbazadə qoruyurdu.