"İmişli" yeni mövsüm üçün əcnəbi məşqçi axtarışını davam etdirir.

Prosport.Az-ın xəbərinə görə, klub ispaniyalı Pol Planas və ukraynalı Yuri Kalitvintsevə təklif göndərib.

Lakin onlar "İmişli"də çalışmaq istəməyib. 34 yaşlı, "Barselona" Akademiyasında çalışan, son mövsüm U-19 komandasını İspaniya çempionu edən Planas atasının səhhətinə görə ölkəni tərk etməyin düzgün olmadığını bildirib. Ukrayna millisində, Moskva "Dinamo"sunda çalışmış 58 yaşlı Kalitvintsevin isə niyə təklifi geri çevirdiyi bəlli deyil.

Bununla belə, "İmişli"nin baş məşqçi siyahısında daha 1 ispaniyalı və xorvat məşqçi var. Hazırda ispaniyalı baş məşqçinin gəlişi daha real görünür.