“Turan Tovuz”un baş məşqçisi Qurban Berdiyev Rusiyanın “Cappuccino & Catenaccio Show” podkastına müsahibəsində Azərbaycan çempionatında legioner limitinin ləğvindən danışıb.

Prosport.Az xəbər verir ki, bunun faydalı olduğunu söyləyən 73 yaşlı mütəxəssis limitin ləğvi ilə futbolçular arasında rəqabətin artdığını bildirib:

"Burda limiti ləğv ediblər. Səviyyə çox artıb. Azərbaycanlı futbolçular daha çox səy göstərməyə başlayıblar. Ötən illə müqayisədə daha çox işləyirlər. Ona görə ki, həmin vaxt heyətdə onların yeri təmin olunmuşdu. İndi daha çox çalışmaqla milliyə düşüblər. Ötənilki sistemlə isə düşə bilmirdilər. Çünki əmin idilər ki, heyətdə yerləri var”.