Andrey Demçenkonun “Araz-Naxçıvan”dan ayrılmasının səbəbi müəyyənləşib.

Prosport.Az Ukrayna mətbuatına istinadən xəbər verir ki, 49 yaşlı mütəxəssisin Premyer Liqa klubunu tərk etmə səbəbi heç də qeydə alınan nəticələr deyil.

Naxçıvan təmsilçisi mövsümü 6-cı pillədə başa vurub. Demçenkonun klubdakı qeyri-müəyyənlik səbəbindən yola salındığı qeyd olunub: “Araz-Naxçıvan”da maliyyə ilə bağlı yaranan problem komandanın nəticələrinə də təsirsiz ötüşmədi. Daxili sıxıntılar yaşanmasaydı, Demçenkonun komandası daha uğurlu çıxış edə bilərdi. Bu ayrılıq isə hər iki tərəfin istəyi ilə reallaşdı. Məşqçi özü də orada qalmaq istəmirdi. Çünki komandanın növbəti mövsümə hansı məqsədlərlə hazırlaşacağı hələ məlum deyil”.

Qeyd edək ki, “Araz-Naxçıvan” Andrey Demçenkonun rəhbərliyi altında 6 qələbə qazanıb, 2 heç-heçə edib, 9 dəfə isə məğlub olub.