2025/26 mövsümündə II Liqa ilə bağlı pley-off görüşünün keçirilməsi barədə qərar qəbul edilib.

Prosport.Az xəbər verir ki, mövsümü II Liqada 12-ci pillədə başa vuran “Araz Saatlı” və 10-cu yeri tutmasına baxmayaraq, növbəti mövsüm üçün II Liqa lisenziyası ala bilməyən “Göygöl” klubları çempionatı tərk edəcək.

Beləliklə, Region Liqasında yüksək yerləri tutmuş və II Liqa tələblərinə cavab verərək lisenziya əldə etmiş 2 klub — turnirin qalibi “Zəngəzur” və finalçısı “Marafon” (Sabirabad) 2026/27 mövsümündə II Liqada iştirak etmək hüququ qazanıb.

2025/26 mövsümündə II Liqanı 11-ci pillədə başa vuran “Ağstafa Gəncləri” komandası isə Region Liqasının bürünc medalçısı — “Biləsuvar”la II Liqaya vəsiqə uğrunda pley-off oyununda qarşılaşacaq. Görüş mayın 29-u saat 16:00-da Yevlax şəhər stadionunda təşkil olunacaq