Karate üzrə Azərbaycan millisinin Almaniyanın Frankfurt şəhərində keçirilən Avropa çempionatında medal sıralamasındakı mövqeyi bəlli olub.

Prosport.Az xəbər verir ki, yığmamız 3 mükafatla Almaniya ilə birlikdə 6-7-ci yerləri bölüşdürüb. Yarışda Mədinə Sadıqova (55 kq) qızıl, İrina Zaretska (68) və qadın kumite yığmamız bürünc medal qazanıb.

Azərbaycan karateçiləri sıralamada yalnız İtaliya (1-ci yer), Türkiyə (2), Xorvatiya (3), Rusiya (4) və Gürcüstandan (5) geri qalıb.

Qeyd edək ki, millimiz ötən il Ermənistanın paytaxtı Yerevanda keçirilmiş Avropa çempionatında iştirak etməyib. İdmançılarımız ondan əvvəl isə Xorvatiyanın Zadar şəhərində 2 bürünc medalla 18-ci olub.