"Qarabağ" növbəti transferini gerçəkləşdirib.

Prosport.Az xəbər verir ki, İsveçin “Yurqorden” klubu ilə danışıqlar müsbət nəticələnib və Zakria Savo Ağdam klubuna keçib.

26 yaşlı isveçli hücumçu ilə 3 illik müqavilə imzalanıb. 2025-ci ildən “Yurqorden”də çıxış edən forvard 2026-cı ildə icarə əsasında Kipr təmsilçisi AEL-də forma geyinib. O, karyerası ərzində İsveçdə “Olimpik”, “Rosenqard”, “Oskarşamns AIK”, Norveçdə “Start”, Kiprdə “Aris”də çıxış edib.

Qeyd edək ki, Savo yay transfer pəncərəsində "Qarabağ"a qoşulan 2-ci futbolçudur. Onadək Jali Mauddibin keçidi rəsmiləşmişdi.