Azərbaycan Premyer Liqasının XXXIII turunun “Araz-Naxçıvan” – “Zirə” oyunundan (3:2) sonra muxtar respublika təmsilçisinin baş məşqçisi Andrey Demçenko fikirlərini bölüşüb.

Prosport.Az xəbər verir ki, mütəxəssis matçla bağlı bunları deyib:

"Qalib gəlmək xoşdur. Bunun üçün çox çalışdıq və nail olduq. “Zirə” yaxşı komandadır və nə istədiyini bilir. Onlarda məşqçi işi görünür. Layiqli qələbə qazandıq, komandamı təbrik edirəm. Təəssüf ki, bəzi xırda səhvlərimiz də oldu. Rəqib bundan yararlanıb, qollar vura bildi. Daha yaxşı oynamaq üçün sadə vəziyyətlərdə topu rəqibə vermək olmaz. Son dəqiqədə qapıçımız penaltini dəf etdi. Oyun heç-heçə də ola bilərdi".