"Qarabağ"ın bugünlərdə sıralarına qatdığı Jali Muaddib "Neftçi"nin də maraq dairəsində olub.

Prosport.Az sportinfo.az-a istinadən xəbər verir ki, paytaxt təmsilçisi fransalı vingeri bu ilin əvvəlində transfer siyahısına daxil edib.

Fəqət danışıqlara başlayınca, artıq bunun gec olduğunu öyrəniblər. "Omoniya" tərəfi də "ağ-qaralar"a bu barədə məlumat verərək, onun "Qarabağ"ın yolunu tutacağını təsdiqləyib.

Ağdamlılar Muaddib ilə 3 illik müqavilə imzalayıb. 25 yaşlı legioner 2029-cu ilin yayına qədər “Qarabağ”da çıxış edəcək. O, komandada 7 nömrəli formanı geyinəcək.

Jalinin son klubu Kipr təmsilçisi “Omoniya” (Aradippou) olub.

O, karyerası ərzində Fransada “Lill” və “Anje”nin B komandalarında, həmçinin “Avranş”da, Rumıniyada “Botoşani”də çıxış edib. Fransanın U-19 millisinin formasını geyinib.