"Sabah" cari mövsüm Azərbaycan Premyer Liqasında sonuncu oyununu keçirib.

Prosport.Az xəbər verir ki, Masazır təmsilçisi XXXIII turda "Turan Tovuz"la üz-üzə gəlib. Qarşılaşma "bayquşlar"ın 2:1 hesablı qələbəsi ilə yekunlaşıb.

Ölkə çempionunun heyətində Aron Maluda (15) və Xəyal Əliyev (64) fərqləniblər. Qərb təmsilçisində isə Ayxan Hüseynov (86) diqqət mərkəzinə düşüb.

Turnir cədvəlinin lideri "Sabah"ı xallarının sayını 78-ə çatdırıb. 3-cü sıradakı "Turan Tovuz" 59 xalda qalıb.

Günün 2-ci görüşündə "Qarabağ" "Sumqayıt"ın qonağı olacaq.

Xatırladaq ki, Azərbaycan Premyer Liqasında tura mayın 24-də yekun vurulacaq. Ötən gün "Qəbələ" "Şamaxı"nı 3:1 hesabı ilə üstələyib.