Bu il avrokuboklara vəsiqə qazana bilməyən "Araz-Naxçıvan"ın gələn mövsümə aid planı bəlli olub.

Prosport.Az sportinfo.az-a istinadən xəbər verir ki, muxtar respublika təmsilçisinin büdcəsi azaldılıb.

Növbəti "futbol ili" üçün nəzərdə tutulan vəsait son illə müqayisədə 2 dəfə aşağı salınıb. Bunun da 1 səbəbi var - Zaur Axundovun maliyyə dayaqlarının kəskin şəkildə zəifləməsi.

Naxçıvan Futbol Federasiyasının (NFF) prezidenti ötən ilin noyabrından bəri problem yaşayır. Biznes sferasında işləri qaydasında getmir.

Durğunluq dövrü keçirən NFF-nın başqanına futbol sferasında dəstək olan yoxdur. Ona köməklik edəcəklərinə söz verənlər çoxdan meydanı tərk ediblər.

Təbii ki, bu da "Araz-Naxçıvan"ın mövcud durumuna mənfi təsir göstərir. "Ağ-qırmızılar" əvvəlkitək maliyyə dəstəyi alsaydı, yəqin ki, qeyri-sabit mövsüm keçirməzdi.