AFFA-nın Apellyasiya Komitəsinin iclası keçirilib.

Prosport.Az xəbər verir ki, iclasda "Ağdaş" klubu tərəfindən daxil olmuş apellyasiya müraciətinə ("Ağdaş"a Lisenziya Komissiyasının 08.05.2026-cı il tarixli qərarına əsasən, II Liqa yarışlarında iştirak etmək üçün lisenziyanın verilməməsi məsələsi ilə bağlı) və klubun təqdim etdiyi əlavə sənədlərə baxılıb.

Müzakirələrdən sonra bölgə təmsilçisinə 2026/2027 mövsümündə II Liqa yarışlarında iştirak etmək üçün lisenziyanın verilməsi qərara alınıb.

Qeyd edək ki, daha əvvəl AFFA-nın Lisenziya Komissiyasının qərarına əsasən "Ağdaş" klubuna II Liqada iştirak üçün lisenziya verilməmişdi.