“Qarabağ” Litva millisinin üzvü ilə danışıq aparır.

Prosport.Az sportinfo.az-a istinadən xəbər verir ki, həmin oyunçu Pius Sirvisdir. Təklif olunan namizədlər arasında baş məşqçi Qurban Qurbanovun diqqətini çəkən müdafiəçi “Maribor”un şərəfini qoruyur. 

Piusun Sloveniya nəhəngi ilə müqaviləsinin müddəti bu ayın sonuna qədərdir. Bir neçə gündən sonra sərbəst futbolçu statusu alması “köhlən atlar”ın ürəyincədir.

Litva millisinin əsas heyət üzvlərindən sayılan Sirvis sağ cinah müdafiəçisidir. O, karyerası ərzində vətənində “Hegelmann”, “Silute”, “Jalgiris”, “Panevejis”kimi klubların şərəfini qoruyub.

2024-cü ilin yanvar ayından bu yana “Maribor”un formasını geyinən futbolçu 80 matçda 4 qol vurub, 7 məhsuldar ötürmə verib.

Sirvisin əsas üstünlüyü cinah müdafiəçisi olmasına baxmayaraq, göstərdiyi məhsuldarlıqdır. Litvalı oyunçu klub karyerasında 255 rəsmi qarşılaşmada 25 qol vurub, bir o qədər qolun ötürməsini verib.

Milli komandada isə 30 görüşdə rəqib qapılarına 4 dəfə yol tapıb.