"Qarabağ"ın UEFA Avropa Liqasının I təsnifat mərhələsindəki potensial rəqiblərinin sayı 8-dən 6-ya enib. 

Prosport.Az xəbər verir ki, buna "Aston Villa"nın Avropa Liqasının qalibi olması səbəb olub. Belə ki, İngiltərə klubunun çempion olması ilə yeni mövsümündən I təsnifat mərhələsində 16 yox, 12 komanda mübarizə aparacaq.

Püşkatmada səpələnmişlər səbətində yer alacaq Ağdam təmsilçisinin qarşılaşacağı 6 mümkün rəqibdən 5-i aşağıdakılardır: 

“Voyvodina” (Serbiya), “ÇFR Kluj (Rumıniya), “Aluminiy” (Sloveniya), “Derri Siti” (İrlandiya), “Vestri” (İslandiya)

6-cı rəqib isə “Jilina” (Slovakiya) və ya “Zimbru” (Moldova) klublarından biri olacaq.

Qeyd edək ki, "Qarabağ"ın Premyer Liqada mövsümü ikinci yerdə başa vuracağı dəqiqləşib.