Azər Bağırovun “Kəpəz”dən ayrılacağı dəqiqdir. Gəncə klubunun baş məşqçisi bir müddət öncə komandada qalacağını desə də, sonradan fikrini dəyişib.

Prosport.Az futbolinfo.az-a istinadən xəbər verir ki, Bağırov millinin baş məşqçisi Ayxan Abbasovla yolunu ayıracaq “Şamaxı” ilə razılığa gəlib. O, artıq komanda ilə sağollaşıb və futbolçular da mütəxəssisin Premyer Liqanın son turu bitən kimi işindən ayrılacağını bilir. Məhz bundan sonra “Şamaxı” ilə müqavilə rəsmən bağlanıb açıqlanacaq.

Ötən həftəyə kimi “Şamaxı”nın baş məşqçisi postuna digər əsas namizəd Şahin Diniyev idi. Lakin təcrübəli çalışdırıcı klub rəhbərliyi ilə danışıqlardan sonra təklifdən imtina edib. O, ayrılan büdcənin uğur qazanmaq üçün kifayət etmədiyini əsas gətirərək kənara çəkilib.