2026-27 mövsümündə Azərbaycanı UEFA Avropa Liqasında təmsil edəcək "Qarabağ" mübarizəyə I təsnifat mərhələsindən başlayacaq.

Prosport.Az xəbər verir ki, Ağdam təmsilçisi ilk raundun ən reytinqli (42,750 əmsal) 2-ci klubu olacaq. Bu da o deməkdir ki, Qurban Qurbanovun yetirmələri püşkatma zamanı səpələnmişlərdə yer alacaq.

“Qarabağ”ın bu mərhələdəki 8 potensial rəqibindən 5-i artıq bəllidir. Hazırda yalnız 3 mümkün rəqib məlum deyil ki, bu da digər ölkələrdə kubokun qalibinin kimliyindən asılı olacaq.

Səpələnmişlər: "Ferensvaroş" (Macarıstan), "Qarabağ" (Azərbaycan), "Hayduk" (Xorvatiya).

Səpələnməmişlər: "Voyvodina" (Serbiya), “Universitatya Kluj” (Rumıniya), “Aluminiy” (Sloveniya), “Derri Siti” (İrlandiya), “Vestri” (İslandiya).

Qeyri-müəyyənlər: “Hammarbü” (İsveç), “Jilina” (Slovakiya).

Qeyd edək ki, Avropa Liqasında I təsnifat mərhələsinin püşkü iyunun 16-da atılacaq. Bu raundun oyunları iyulun 9-da və 16-da olacaq.