Növbəti mövsümdə Azərbaycanı UEFA Konfrans Liqasında təmsil edəcək "Neftçi"nin 26 potensial rəqibindən 11-i artıq məlumdur.

Prosport.Az xəbər verir ki, Bakı təmsilçisi mübarizəyə I təsnifat mərhələsindən başlayacaq.

Yuri Vernidubun rəhbərlik etdiyi kollektivin dəqiqləşmiş potensial rəqibləri “Styarnan” (İslandiya), “Avropa” (Cəbəllütariq), “İnter” (Finlandiya), “Yelimay” (Qazaxıstan), “Heqelmann” (Litva), “Penibont” (Uels), “NSİ Runavik” (Farer adaları), “Qlentoran” (Şimali İrlandiya), “Marsaşlokk” (Malta), “Nomme Kalyu” (Estoniya)* və “Karnarvon Taun”dır (Uels).

Konfrans Liqasında I raundun püşkü iyunun 16-da atılacaq. Oyunları isə 9-16 iyul tarixlərində keçiriləcək.