Albaniya çempionatında mövsümün final mərhələsinə start verilib.

Prosport.Az xəbər verir ki, Azərbaycan millisinin futbolçusu Zamiq Əliyevin çıxış etdiyi “Eqnatiya” səfərdə “Elbasani” ilə qarşılaşıb və 4:0 hesablı qələbə qazanıb.

Start heyətində meydana çıxan Əliyev 88-ci dəqiqədə - bütün qollar vurulduqdan sonra əvəzlənib. O, 36-cı dəqiqədə sarı vərəqə də alıb.

“Eqnatiya” hazırda 31 xalla final mərhələsində mübarizə aparan 4 komanda arasında 1-ci pillədə qərarlaşıb.