Aleksey İsayev Azərbaycan çempionatının yüksək dəstəsində 200-cü oyununu keçirib.

Prosport.Az xəbər verir ki, "Sabah”ın yarımmüdafiəçinin yubileyi Premyer Liqanın XXXII turuna təsadüf edib. O, “Neftçi” ilə ev matçına (1:2) start heyətində çıxıb.

Debütü 2018/19 mövsümündə “Sumqayıt” forması ilə gerçəkləşən Aleksey yubiley matçında qol sevinci də yaşayıb. Bu, yarımmüdafiəçinin 15-ci qolu olub.

O, Premyer Liqada 3 klubun formasını geyinib. İsayev “Sabah”da 118 (14 qol), “Qarabağ”da 44 (1 qol), “Sumqayıt”da 38 dəfə şans qazanıb.