Azərbaycan Premyer Liqasının XXXII turunun “Zirə” – “Sumqayıt” oyunundan (2:1) sonra qonaq komandanın məşqçisi Veliçko Kaplanoviç jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə görüşlə bağlı fikirlərini bildirib.

– “Zirə”ni qələbə münasibəti ilə təbrik edirəm. Gənc oyunçularla oynadıq. Uşaqlar üçün böyük təcrübə oldu. Təbii ki, xal da qazana bilərdik, amma alınmadı. Hesab edirəm ki, komanda bu gün maksimumu etdi.

– “Sumqayıt” üçün 6 və ya 7-ci yeri tutmağın əhəmiyyəti varmı?

– Əlbəttə, eyni deyil. Son oyun olsa da, bizim üçün önəmlidir. Maksimum nəticə qazanmaq istəyirik. Qarşılaşma Sumqayıtda keçiriləcək, rəqib də “Qarabağ”dır.