Azərbaycan Premyer Liqasının XXXII turunun “Sabah” – “Neftçi” oyunundan (1:2) sonra meydan sahibi komandanın baş məşqçisi Valdas Dambrauskas fikirlərini bölüşüb.

Prosport.Az xəbər verir ki, mütəxəssis matçla bağlı bunları deyib:

"Kubokun qalibi olduq və bunu layiqincə qeyd etdik, emosiyalarımızı da yaşadıq. Belə bir uğurdan sonra meydanda maksimum motivasiya ilə çıxış etmək asan olmur. Futbolçulara təşəkkür edirəm. “Neftçi” çempionatda yaxşı formadadır. Ehtiyat oyunçularımıza daha çox şans verdik və onların birlikdə daha çox oynaması nəticəyə təsir göstərə bilərdi. Rəqib səhvimizdən yararlanıb qol vurdu, biz isə əlimizə düşən imkanlardan istifadə edə bilmədik. İndi isə çempionluğumuzu qeyd etmək istəyirik".