Bolqarıstanda ölkə çempionatının Konfrans Liqası qrupu çərçivəsində 35-ci turun bir sıra oyunları keçirilib.

Prosport.Az xəbər verir ki, Azərbaycan millisinin müdafiəçisi Cəlal Hüseynovun çıxış etdiyi "Arda" evdə "Lokomotiv"i (Plovdiv) 4:0 hesabı ilə darmadağın edib. Hüseynov matçı əvəzlənmədən keçirib və komandasının 4-cü qolunu vurub.

Qeyd edək ki, bu, azərbaycanlı müdafiəçinin ardıcıl 2-ci oyunda vurduğu 3-cü qol olub.

Hazırda "Arda" 51 xalla ümumi turnir cədvəlində 7-ci, Konfrans Liqasına yeganə vəsiqə uğrunda mübarizə aparan 4 komandalı alt qrupda isə 3-cü pillədə qərarlaşıb.