“Şamaxı” Azərbaycan Premyer Liqasının XXXII turunda “Turan Tovuz”u məğlub edib.

Prosport.Az futbolpress.az-a istinadən xəbər verir ki, meydan sahiblərinin 3-cü qolundan sonra klub rəhbərləri arasında mübahisə düşüb.

“Turan Tovuz”un İdarə Heyətinin sədri Ehtiram Quliyev şamaxılı azarkeşlərin onlara qarşı qıcıqlandırıcı şüarlarından sonra həmkarı Elçin Usuba yaxınlaşıb və ona “Elçin, biz sizi Tovuzda belə qarşılamamışdıq, azarkeşləri sakitləşdirin” deyə bildirib. Usub isə öz növbəsində mühafizə xidmətini məsələ haqda məlumatlandırıb.

Ancaq fanatlar şüarlara davam ediblər. Bundan sonra Quliyev növbəti dəfə “Şamaxı” rəhbərinə iradını bildirdikdən sonra azarkeşlər sakitləşdirilib.

“Şamaxı” – “Turan Tovuz” oyunu meydan sahiblərinin qələbəsiylə başa çatıb – 3:2.