Azərbaycan Premyer Liqasının XXXII turunda “İmişli”ni 3 cavabsız qolla məğlub edən "Qarabağ"ın (66 xal) mövsümü 2-ci pillədə başa vuracağı dəqiqləşib.

Prosport.Az xəbər verir ki, bu gümüş medal klub tarixinə Azərbaycan çempionatlarında 20-ci mükafat kimi düşüb. 12 "qızıl" və 3 "bürünc"ü olan “Qarabağ” 5-ci dəfə "gümüş"ə sahib çıxıb.

Premyer Liqada 2-ci yer "Qarabağ"a UEFA Avropa Liqasına vəsiqə verib. Ağdam klubu turnirə I təsnifat mərhələsindən başlayacaq. Bu mərhələnin püşkü iyunun 16-da atılacaq, oyunları isə iyulun 9-da və 16-da keçiriləcək.