Futbol üzrə Azərbaycan I Liqasında çempion müəyyənləşib.

Prosport.Az xəbər verir ki, "Şəfa" mövsümün sonuna 1 tur qalmış qızıl medalları təmin edib.

Paytaxt təmsilçisi buna XXVI turda nail olub. "Şəfa" öz meydanında "Cəbrayıl"a qalib gəlib – 1:0. Bununla da xallarının sayını 57-yə çatdıran Bakı klubu izləyiciləri üçün əlçatmaz olub və Premyer Liqaya vəsiqəni təmin edib.

Digər oyunlarda "Mingəçevir" evdə MOİK-ə 3:1, "Baku Sportinq" "Zaqatala"ya 3:0 hesabı ilə qalib gəlib, "Səbail" isə gözlənilmədən evdə xal itirib. Bu nəticələrdən sonra Mingəçevir təmsilçisi üçün Premyer Liqaya vəsiqə uğrunda pley-off oyununanda iştirak şansı yaranıb. Bölgə klubu bunun üçün son turda evdə "Səbail"i məğlub etməlidir.

I Liqa, XXVI tur
15 may

"Şəfa" - "Cəbrayıl" 1:0
Qol: E.Zamanov, 4

"Mingəçevir"  - MOİK 3:1
Qollar: F.Bayramov, 17, A.Usman, 42, K.Kalunqa, 45+3 - C.Akuqre, 67

"Baku Sportinq" - "Zaqatala" 3:0
Qollar: C.Muxtarlı, 62, İ.Muradov, 68, X.Bəşirov, 77

"Səbail" - "Şahdağ Qusar" 0:0