“Qarabağ”ın cari mövsüm ölkədaxili yarışlarda uğursuz nəticə göstərməsi xarici medianın da diqqətini cəlb edib.

Prosport.Az xəbər verir ki, bununla bağlı hətta yazı da dərc edilib.

"Avropanın inkişafda olan ölkələrində sürpriz çempionlar" başlıqlı xəbərdə 3 liqadakı komandanın nəticəsi xüsusi vurğulanıb ki, onlar arasında “Qarabağ” da var. Ağdamlılarla yanaşı, Danimarkada “Kopenhagen”in və Norveçdə “Bude/Qlimt”in çempion ola bilməməsi böyük sensasiya kimi qələmə verilib.

"Avropa futbolunda son illər yalnız böyük və zəngin klublar deyil, büdcəsi aşağı olan komandaların da uğur qazanması mümkündür. “Bude/Qlimt”, “Kopenhagen” və “Qarabağ”ın nəticələri buna nümunədir. Bu mövsümün uğurlu klubları arasında adıçəkilənlər yer almır. Halbuki onlar son illərdə avrokuboklarda ciddi nailiyyətlər əldə ediblər. Bütün bunlar onu göstərir ki, Avropada futbol balansı dəyişir, kiçik liqaların klubları avrokuboklara vəsiqə uğrunda rəqabət aparır, güclü skautinq, düzgün idarəçilik və sistemli oyun sayəsində “autsayer” sayılan komandalar ön plana çıxır”, – deyə məqalədə yazılıb.

Qeyd edək ki, “Qarabağ” Misli Premyer Liqasında sona 2 tur qalmış ikinci pillədə qərarlaşır.