"Sabah"ın futbolçusu Aron Maluda karyerasını Avropanın məşhur klubunda davam etdirə bilər.

Prosport.Az xəbər verir ki, "Seltik" fransalı vingeri transfer etmək istəyir. Bu barədə "Ekip" nəşri məlumat yayıb.

Xəbərdə qeyd olunub ki, Şotlandiya nəhəngi Maluda ilə əlaqə saxlayıb və ona klubun layihəsi barədə məlumat verib. "Seltik"in 20 yaşlı ön xətt oyunçusu üçün Azərbaycan klubu ilə danışıqlara başlayacağı bildirilir.

Qeyd edək ki, "Sabah" Aron Maludanı 2025-ci ilin sentyabr ayında "Lill"dən icarəyə götürüb və daha sonra futbolçunun transfer hüquqlarına yiyələnib. Fransa U-19 millisinin sabiq üzvü Masazır təmsilçisinin heyətində meydana çıxdığı 27 rəsmi matçda 8 qol və 4 məhsuldar ötürmə ilə yadda qalıb.