Azərbaycan milli komandasının futbolçusu Renat Dadaşovun “Motor”da qalmayacağı məlumdur.

Prosport.Az sportal.az-a istinadən xəbər verir ki, amma 26 yaşlı forvardın yeni mövsümə hansı komandada başlayacağı dəqiq deyil.

Onun Türkiyə və Azərbaycan klublarından təklifləri var. Bununla yanaşı, Dadaşovun Polşada qalmaq ehtimalı da yaranıb.

Belə ki, “Korona” yüksək liqada qalacağı təqdirdə, milli üzvünü heyətinə qatmağa çalışacaq. Hazırda komanda turnir cədvəlində 18 komanda arasında 15-ci pillədədir. Onları təhlükəli zonadan cəmi 1 xal ayırır.

Qeyd edək ki, milli komandamızın üzvü daha əvvəl “Ayntraxt” (Frankfurt), “Eştoril”, “Pakoş Ferreyra”, “Vulverhempton”, “Qrasshoppers”, “Tondela”, “Hatayspor”, “Ankaragücü” və “Radomyak” klublarında çıxış edib.