Malta yığmasının futbolçusu İrvin Kardona Azərbaycan millisinə qarşı keçiriləcək yoldaşlıq oyununu buraxa bilər.

Prosport.Az xəbər verir ki, bu barədə Malta mətbuatı məlumat yayıb.

Bildirilir ki, 28 yaşlı vinger klubu “Sent-Etyen”in heyətindəki son görüşdə zədələnib. Fransa Liqa 2-nin 34-cü turunda “Amyen” üzərində 5:0 hesablı qələbə qazanılan qarşılaşmanın 63-cü dəqiqəsində zədə alan Kardona əvəzlənib.

Sağ cinah oyunçusunun durumuna tibbi müayinədən sonra aydınlıq gələcək. Onun yığmanın iyunda keçirəcəyi görüşləri buraxmaq təhlükəsi var.

Qeyd edək ki, Azərbaycan və Malta milliləri arasında oyun iyunun 5-də Macarıstandakı “Haladaş” stadionunda keçiriləcək.