"Qarabağ"ın futbolçusu Kadi Borjes Premyer Liqada 25-ci qoluna imza atıb.

Prosport.Az xəbər verir ki, braziliyalı yarımmüdafiəçi "Qəbələ" ilə səfər qarşılaşmasında (1:1) fərqlənib.

25-ci qoluna Azərbaycan Premyer Liqasının XXXI turunda sevinən cənubi amerikalı buna 76-cı oyununda nail olub.

Ölkəmizdə yalnız "Qarabağ"ın formasını geyinən Kadi Borjes 2021/2022 mövsümündə 12, 2022/2023 mövsümündə 4, 2024/2025 mövsümündə 6, cari çempionatda isə 3 dəfə rəqib qapısına yol tapıb.

Yarımmüdafiəçi turnirin tarixinə ən azı 25 qol vuran 132-ci oyunçu kimi düşüb. Kadi 25-ci qolunu 2025/2026 mövsümündə vuran 4-cü futbolçudur. Onun komanda yoldaşı Toral Bayramov və "Araz-Naxçıvan"lılar – braziliyalı həmyerlisi Felipe Santosla Ülvi İsgəndərov da yubileyini mövsümün gedişində gerçəkləşdirib.