“Neftçi”dən sonra “Qarabağ”da FİFA-nın hədəfinə “tuş” gəlib.

Prosport.Az xəbər verir ki, ali idman qurumu Ağdam klubuna qarşıdakı 3 “transfer pəncərəsi”ndə yeni futbolçu almasına dair qadağa qoyub. Bənzər cəza bir müddət öncə “Neftçi”yə də tətbiq edilmişdi. Lakin paytaxt təmsilçisi qısa müddət ərzində problemi aradan qaldırdı.

Sözügedən qadağa adətən hansısa transferin ödənişinin verilməməsi və ya gecikməsi kimi hallarda FIFA tərəfindən tətbiq olunur. Lakin “Qarabağ”ın bu yöndə heç bir maliyyə problemi yoxdur və klub bununla bağlı FİFA-ya müraciət ünvanlayıb.