Almaniya 2-ci Bundesliqasında XXXIII turun oyunları keçirilir.

Prosport.Az xəbər verir ki, millimizin hücumçusu Mahir Emrelinin formasını geyindiyi “Kayzerslautern” öz meydanında “Arminiya”nı qəbul edib.

Son 3 turda xal qazana bilməyən Mahirin komandası bu görüşdə qələbə həsrətinə son qoyub – 2:0.

Emreli də bu görüşün iştirakçısı olub. Matça ehtiyat oyunçular skamyasından başlayan futbolçu 65-ci dəqiqədə meydana çıxıb. Bununla da təcrübəli forvard 4 turdan sonra meydana qayıdıb. Emreli sonuncu dəfə aprelin 4-də “Fortuna” ilə görüşdə forma geyinmişdi.

Bu qələbə sayəsində xallarının sayını 49-a çatdıran “Kayzerslautern” turnir cədvəlində 6-cı pilləyə yüksəlib.