Qız millimizin sabiq futbolçusu Olya Şioşvili Gürcüstanın paytaxtı Tbilisidə hoteldə işləyir.
Prosport.Az-ın əməkdaşı ötən ay cüdo üzrə Avropa çempionatı zamanı onu "ibis Tbilisi Stadium" hötelində görüb.
O, əmisiqızı ilə birgə həmin hoteldə ofisiant qismində çalışır. Sabiq futbolçu əvvəlcə müsahibəyə razılıq versə də, daha sonra fikrindən imtina edib.
Qeyd edək ki, Olya Şioşvili Qax gürcüsüdür və oradakı Uşaq-Gənclər İdman Məktəbinin yetirməsidir. Daha sonra o, "Sumqayıt"da çıxış edib. Hazırda 30 yaşı olan sabiq müdafiəçi vaxtı ilə 2012-ci ildə Bakıda keçirilmiş 17 yaşadək qızlar (U-17) arasında dünya çempionatının iştirakçısı olub.
