"İmişli" Azərbaycan Premyer Liqasının XXXI turunda Quba Olimpiya İdman Kompleksinin stadionunda "Zirə" ilə 0:0 hesablı heç-heçə edib.

Prosport.Az xəbər verir ki, bölgə təmsilçisinin baş məşqçisi Jorj Kaşkilya matçdan sonra keçirilən mətbuat konfransında jurnalistlərin suallarını cavablandırıb:ə.

- Oyundan sonra görünmədiyim üçün Rəşad Sadıqovdan üzr istəyirəm. Çox yaxşı oyun oldu. Hər 2 komanda qalib gəlmək istəyirdi. 1-ci hissədə yaxşı oynadıq. Rəqibdən daha çox qol şansları yaratdıq. 2-ci yarıda sa rəqabətli oyun gedirdi. Son 20 dəqiqədə "Zirə" daha fəal idi. Buna görə də müdafiə olunduq. Məncə, heç-heçə ədalətli nəticədir. Bu mövsüm "Zirə"yə məğlub olmadıq. Vacib məsələ odur ki, "İmişli" öz məqsədinə nail olub. Oyunçularımı təbrik edirəm. Hər matçda mübarizə aparıblar. "Zirə"yə ölkə kubokunun finalında uğurlar arzulayıram.

- Ev oyunlarınızı başqa stadionda keçirsəydiniz, "İmişli" daha yuxarı pillələrdə ola bilərdi?

- Bilmirəm. Bizim meydanımız buradır, burada oynamalıyıq. Əlimizdən gələni etdik.

- Mətbuatda yayılan xəbərlərə görə, klub rəhbərliyi növbəti mövsüm üçün ispaniyalı məşqçi ilə anlaşıb. Bununla bağlı nə deyə bilərsiz?

- Bu barədə nəsə deyə bilmərəm.