U-20 millisinin baş məşqçisi Ruy Jorj AFFA-nın təklifini dəstəkləməyib.

Prosport.Az xəbər verir ki, bu barədə sportinfo.az federasiyadan məlumat əldə edib.

Qurumdan daxil olan informasiyaya görə, portuqaliyalı mütəxəssis komandanın I Liqada iştirak təşəbbüsünə isti yanaşmayıb. AFFA yeni yaradılan millinin növbəti mövsümdən etibarən I Liqada mübarizə aparmasını istəyir. Portuqaliyalı mütəxəssis təklifi bəyənsəydi, yığma aşağı dəstədə müsabiqədənkənar yarışacaqdı.

Ruy Jorj başqa ideya verib. O, "bizə hər ay 3 həftəlik təlim-məşq toplanışı təşkil edin, kifayətdir" deyib.

2027-ci ildə FIFA-nın U-20 dünya çempionatına Azərbaycan və Özbəkistan birgə ev sahibliyi edəcək.